ཡུ་རོབ་སུད་སི་ས་གནས་མདོ་ཁམས་ཆུ་བཞི་སྒང་དྲུག་གི་གཟེངས་རྟགས་ནང་དོན།

མི་མང་གིས་ཐད་ཀར་འོས་འདེམས་བྱས་པའི་བོད་ཀྱི་སྲིད་སྐྱོང་ཐོག་མ་འབུམ་རམས་པ་མཁས་དབང་བློ་བཟང་སེངྒེ་མཆོག་གིས་འདས་པའི་ལོ་ངོ་བཅུའི་རིང་བོད་བསྟན་སྲིད་མི་རིགས་ཀྱི་དོན་དུ་ལྷག་བསམ་ཟོལ་མེད་ཀྱི་ཆབ་དཔལ་རིག་གསུམ་ལ་འབུར་དུ་ཐོན་པའི་ཕྱག་ལས་གནང་པ་དང༌། ལྷག་དོན་ཆོལ་གསུམ་གོང་བུ་གཅིག་གྱུར་གྱི་ལམ་ནས་གཞིས་བྱེས་བོད་མི་མཉམ་ཁྲིད་ཀྱི་ནུས་པ་སྔར་ལྷག་སྟོན་པ་སོགས་༧གོང་ས་མཆོག་གི་དགོངས་བཞེད་དང་རྒྱ་ཆེའི་མི་མང་གི་མངོན་འདོད་ལྟར་རླབས་ཆེན་གྱི་ཕྱག་ལས་གནང་བར་བཀའ་དྲིན་རྗེས་དྲན་དང་ཐུགས་རྗེ་ལེགས་གསོལ་དུ།