མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་འདི་ཉིད་ཕྱི་ལོ་ ༡༩༥༨ ཟླ་བ ༦ ཚེས་ ༡༦ ཉིན་ཛ་སག་དམག་སྤྱི་ཨ་འབྲུག་
མགོན་པོ་བཀྲ་ཤིས་མཆོག་གིས་དབུ་ཁྲིད་དེ་བོད་ཀྱི་རྒྱལ་ས་ལྷ་སའི་ལྷོ་ཁུལ་ལྕགས་ཚ་གྲི་གུ་ཐང་དུ་དབུ་བརྙེས་ཡོད་ལ།
དེ་ནས་བཟུང་ཆུ་སྒང་གི་དཔའ་རྒོད་སྟོང་ཚོ་མང་པོའི་ཚེ་སྲོག་བོད་རྒྱལ་ཁབ་དང་བསྟན་སྲིད་མི་རིགས་བཅས་ཀྱིས་ཆེད་དུ་ཤོར་ཡོད་བའི་བཀའ་དྲིན་དྲན་གསོའི་ཆེ་དུ་ལོ་ལྟར་གོང་ཚེས་ཉིན་མདོ་ཁམས་ཆུ་བཞི་སྒང་དྲུག་གི་དབུས་ས་གཉིས་ཀྱི་ངོས་ནས་འཛམ་གླིང་ཁྱོན་ཡོངས་ནས་རྒྱལ་སྤྱིའི་རང་བཞིན་ཅན་གྱི་དུས་དྲན་སྲུང་བརྩི་ཟབརྒྱས་ཞུ་བཞིན་ཡོད་པར་སོང་། འདུ་གར་ཡུ་རོབ་སུད་སི་ས་གནས་ཆུ་སྒང་རྒྱུན་ལས་ནས་གོ་སྒྲོག་འོགཕྱི་ལོ་ ༢༠༢༢ ཟླ་ ༠༦ ཚེས་༡༡ རེས་གཟའ་སྤེན་པའི་སྔ་དྲོ་ཆུ་ཚོད་༩ པ་ནས་ཉིན་རྒྱབ་ཆུ་ཚོད་༣ པའི་བར་རི་ཀོན་ཆོས་འཁོར་དགོན་དུ་མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་དབུ་བརྙེས་ནས་མི་ལོ་ཧྲིལ་པོ་ ༦༤ འཁོར་བའི་དུས་དྲན་དང་ཡུ་རོབ་སུད་སི་ས་གནས་ཆུ་སྒང་དབུ་བརྙེས་ནས་མི་ལོ ༤༣ འཁོར་བའི་དུས་དྲན་མཛད་སྒོ་ཟབ་རྒྱས་འཚོགས་གནང་ཡོད་པ་རེད། མཛད་སྒོའི་ཐོག་བོད་རིགས་མི་མང་ཚོགས་གཞོན་བསྟན་འཛིན་དབང་འདུས་དང་སྤྱི་ཟུར་སྐུ་ངོ་ཟམ་མདོ་བྱམས་པ་ཚེ་རིང་ལགས་གཞན་སྤྱི་ཟུར་ཁག་གཅིག་སོག་ས་གནས་བོད་མི་༡༥༠ ལྷག་མཉམ་འཛོམས་གནང་ཡོད་པ་དང་། རི་ཀོན་ཆོས་འཁོར་དགོན་ཀྱི་འགེ་འདུན་རྣམས་པའི་དབུ་མཛེད་པའི་ཐོག་སྐུ་མགྲོན་རྣམས་པ་དང་མི་མང་ཡོངས་ནས་༧ལྷར་བཅས་སྲིད་ཞིའི་གཙུག་རྒྱན། འཇིག་རྟེན་ཞི་བདེའི་དེད་དཔོན། ཁམས་གསུམ་ཆོས་ཀྱི་རྒྱལ་པོ། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག དགོས་པ་དང་དོན་གྱི་སླད་དུ་མཚན་སྨོས་ན། ྋརྗེ་བཙུན་འཇམ་དཔལ་ངག་དབང་བློ་བཟང་ཡེ་ཤེས་བསྟན་འཛིན་རྒྱ་མཚོ་སྲིད་གསུམ་དབང་བསྒྱུར་མཚུངས་པ་མེད་པའི་སྡེ་དཔལ་བཟང་པོ་མཆོག་གི་ཞབས་བརྟན་དང་། བོད་རྒྱལ་ཁབ་དང་མི་རིགས་ཀྱི་ཆེད་དུ་གཅེས་པའི་ཚེ་སྲོག་ཕངས་མེད་དུ་འདོར་ཕོད་པའི་རྒྱལ་གཅེས་དཔའ་བོ་ཛ་སག་ཨ་འབྲུག་མགོ་པོ་བཀྲ་ཤིས་གཙོས་འདས་གསོན་ཡོངས་ཀྱི་ཆེད་དུ་
བླ་མ་མཆོད་པའི་ཚོགས་མཆོད་སྨོན་དང་གནང་ཡོད་པ་དང་། རི་ཀོན་ཆོས་འཁོར་དགོན་པའི་མཁན་རིན་པོ་ཆེ་དགེ་བཤེས་ཐུབ་བསྟན་ལེགས་སྨོན་མཆོག་ནས་དུས་ཆེན་དང་འབྲེལ་བའི་གསུང་བཤད་གནང་རྗེས། ཡུ་རོབ་སུད་སི་ས་གནས་ཆུ་སྒང་ཚོགས་གཙོ་རྒྱ་རྡོ་རིན་ཆེན་ནས་དུས་ཆེན་དང་བོད་རིགས་མི་མང་ཚོགས་གཞོན་བསྟན་འཛིན་དབང་འདུས་སོག་ནས་དུས་ཆེན་དང་འབྲེལ་བའི་གསུང་བཤད་གནང་མཐར་ས་གནས་ཚོགས་གཞོན་ཡི་ཤེས་ཆོས་དར་ནས་མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་གིས་ཡོངས་ཁྱབ་གསུང་འཕྲིན་སྒྲོགས་སྦྱང་གནང་མཐར། དགོན་པའི་མཆམ་རའི་ནང་དུ་དགེ་འདུན་པ་རྣམས་པའི་དབུ་སྐུ་མགྲོན་རྣམས་པ་དང་ཚོགས་བཅར་བ་ཡོང་སྐུ་བཞེངས་ཐོག་བོད་རྒྱལ་ཁབ་ཆེན་པོའི་རྒྱལ་གླུ་བཏང་ནས་རྒྱལ་གཅེས་དཔའ་བོ་ཛ་སག་ཨ་འབྲུག་མགོན་པོ་བཀྲ་ཤིས་མཆོག་གིས་གཙོས་བོད་རྒྱལ་ཁབ་ཆེན་པོའི་རྩ་དོན་ཆེད་དུ་རང་གི་ལུས་སྲོག་ལོང་སྤྱོད་དང་བཅས་པ་ཀློད་བཏང་གནང་མཁན་འདས་གསོན་ཡོངས་ཀྱི་ཆེད་མྱ་ངན་ངག་བཅད་རྐར་མ་ཅིག་གནང་ནས་བོད་སྐྱོང་ལྷ་སྲུང་རྣམས་ལ་གསང་གསོལ་དང་གསེར་སྐྱེམས་མཆོད་ནས་ཀི་བསོ་ལྷ་རྒྱལ་བཅས་ཉིན་འདིའི་མཛད་སྒོ་རྒྱལ་ཁའི་ངང་ལེགས་འགྲུབ་བྱུང་སོང་།